Паэзія: Чакае царква паэтаў

Старыя ўсе песні спетыя,

А новыя - штось не кранаюць.

Чакае царква паэтаў,

Што годныя гімны ствараюць.

 

Паэтаў, што Духам поўныя,

Да ісціны Слова прагныя,

Спаведнікаў веры супольнае,

Евангеллю сэрцам адданыя.

 

Хто ў спеў ператворыць гісторыю

Пра Бога-Айца ўсемагутнага,

І Сына ўславяць каторыя,

І Духа, паўсюды прысутнага.

 

У спеў пра абранне прадвечнае,

Грахоў дараванне ласкавае,

Пра сэрцы ўпартыя, грэшныя,

Што робяцца Духам слухмяныя.

 

Пра тое, што колькі б нi выпала

Царкве палымяных спакусаў,

Абраныя стануцца вернымі,

Іх слава чакае з Ісусам.

 

Дык дзе ж вы, мае даражэнькія,

Прарокі, майстры дзеясловаў?

Выходзьце - хай крокі маленькія,

Паэзіяй рухайце Слова!

 

30.07.31.